सिनज्युकु नगरको भूकम्प निवारणको उपायहरू

• ओकोसिसिनस्या（भूकम्प अनुभव गर्ने गाडी）लाई ठाउँ ठाउँमा पठाउने
• विपत रोकथाम कार्यशालाको संचालन
• विपत रोकथाम DVD हेर्नलाई सापट दिने
• विपत व्यवस्थापन सम्बन्धि सरसामानहरू तथा आगो निभाउने उपकरणको मध्यस्थता
• विपत व्यवस्थापनको चेतना बढाउने पुस्तिका आदिको वितरण

　
जस्ता कार्यहरू सक्रिय रूपमा गर्दै आइरहेको छ।

सिनज्युकु नगरमा विपत उत्पन्न भएको समयमा, नगर भित्र १०२ ठाउँमा जडान गरिएको आउटडोर विपत व्यवस्थापन स्पिकरको प्रयोग गरी सबै नगरवासीहरूलाई सूचना पुर्याउने गरिन्छ।
त्यस्तै नगर भित्रको स्योउगाक्कोउ (प्राइमरी स्कूल) वा च्युउगाक्कोउ (जुनियर हाई स्कूल), नगरको शाखा उपशाखा, प्रहरी विभाग तथा आगो नियन्त्रण विभागहरूमा डिजितल मोबाइल खालको विपत व्यवस्थापन वायरलेस प्रसारण ठाउँ ठाउँमा राखी, चाँडचाँडै सूचना संकलन गरी प्रसारण गर्ने गरिन्छ।

मोबाइल फोनको मेलबाट मौसम सम्बन्धि जानकारी दिने 「सिनज्युकु मौसम सम्बन्धि जानकारी मेल」को संचालन गरिएको छ। जानकारी चाहने आवेदक हरूलाई मौसम सम्बन्धि केइहोउ (कडा चेतावनी), च्युउइहोउ (चेतावनी) आदि स्वतः मेल पठाउने गरिन्छ।

नगर भित्रको सबै क्षेत्रमा आगो निभाउने उपकरण (करिब ३,९०० वटा) जडान गरी, प्राथमिक तवरमा आगो निभाउन सकिने गरी व्यवस्था गरिएको छ।

आफ्नो घर भत्किएर अथवा आगलागी बाट जलेर नष्ट भयो भने, आश्रय लिने ठाउँको रूपमा नगरको स्योउगाक्कोउ (प्राइमरी स्कूल) वा च्युउगाक्कोउ (जुनियर हाई स्कूल) हरूलाई हिनानज्यो (सुरक्षित आश्रय शिविर) को रूपमा प्रयोग गर्न सकिने गरी व्यवस्थापन गरिएको छ। त्यस्तै ठूलो आगलागी भएर आफ्नो ज्यानको सुरक्षाको लागि आश्रय लिने ठाउँको रूपमा ठूला पार्क आदिलाई हिनानबास्यो (सुरक्षित आश्रय) भनेर तोकिएको छ।

बिस्कुट र तत्काल चामल, पाउडर दूध जस्ता खाद्यपदार्थ तथा आवश्यक सरसामानहरू हिनानज्यो (सुरक्षित आश्रय)को भंडार गोदाम र हिनाज्यो (सुरक्षित आश्रय) मा थप आपूर्ति गर्नको लागि नगरको भंडार गोदाम मा भंडारण गरिएको छ।
बिस्कुट र तत्काल चामल, पाउडर दूध जस्ता खाद्यपदार्थ तथा आवश्यक सरसामानहरू हिनानज्यो (सुरक्षित आश्रय)को भंडार गोदाम र हिनाज्यो (सुरक्षित आश्रय) मा थप आपूर्ति गर्नको लागि नगरको भंडार गोदाम मा भंडारण गरिएको छ। साथै, खाने पानीको सन्दर्भमा हिनानज्यो (सुरक्षित आश्रय) को पानी ट्यांकी वा योदोबासी खाने पानी वितरण स्टेशन, चुरूमाकी मिनामी पार्क, ह्याकुनिनच्योउ फुरेआई पार्कको आपतकालीन पानी ट्यांकी बाट पानी आपूर्ति गरिन्छ। दैनिक जिविकाको लागि चाहिने पानी को सन्दर्भमा गहिरो इनार, सार्वजनिक स्नान घरको इनार, नगरको प्राइमरी स्कूल तथा जुनियर हाई स्कूलको पूललाई प्रयोग गर्न सकिने गरी मिलाइएको छ।

मध्य तथा उच्चतम अग्ला मानशनहरूलाई लक्षित गरी, आगलागी ब्यवस्थापन मार्गनिर्देशन पुस्तिका 「मानशन आगलागी ब्यवस्थापन सबभन्दा पहिलो पाइला」को वितरण तथा मानशन आगलागी व्यवस्थापन सल्लाहकारको परिचालन गरिन्छ।

नगरवासीको आवासिय भवनलाई लक्षित गरी फर्निचर ढल्नबाट रोक्ने सरसामानको जडान सम्बन्धि पूर्व-अध्ययन गरेर, पछिल्लो दिनहरूमा जडान कार्य गरिन्छ।
अध्ययन खर्च तथा जडान खर्च चाहीं निःशुल्क हो। तर चाहिने सरसामानहरूको खर्च चाहीं उपभोग गर्ने व्यक्तिले व्यवस्था गर्नु पर्छ।

विभिन्न प्रकारको विपतबाट बच्नको लागि प्रयोग गरिने सरसामानहरूको मध्यस्थता गरिन्छ।
　

• सरसामानहरू　　　　फर्निचर ढल्नबाट रोक्ने उपकरण, सुरक्षित स्थानमा जानको लागि चाहिने सरसामान, लामो समयसम्म राख्न मिल्ने पिउने पानी, लामो समयसम्म राख्न मिल्ने खाद्यसामाग्री आदि।
• आवेदन दिने तरिका　विशेष शाखा कार्यालय, संकट व्यवस्थापन विभाग, विपत्ती नियन्त्रण केन्द्र बाट वितरण गरिने निर्देशिकाको पर्चामा मा जोडेको आवेदन फारम प्रयोग गरी, तोकिएको कम्पनिहरूमा सीधा आवेदन दिनु होला।

「विपतबाट बच्नको लागि अग्रिम तयारी」मा फर्कने