Kunsultasyon sa pagitan ng pamilya at pagsilong sa alagang hayop

Mahalagang pag-usapan sa loob ng pamilya ang paraan ng pagkumpirma sa kaligtasan ng bawat isa.
Isagawa ang pagpupulong ukol sa disaster prevention at gawin ang nararapat na paghahanda.

　　

• Ihanda ang emergency / survival kit bag, suriin nang regular ang laman nito at pagpasiyahan kung saan dapat ilagay.
• Kumpirmahin mismo sa sarili kung saan ang hinanjo at hinan-basho sa pamamagitan ng paglakad patungo sa nabanggit na mga lugar.
  Saan maaaring magtagpo kapag ang pamilya ay nasa iba’t-ibang lugar sa oras na magkaroon ng malaking lindol?
  Malawak ang hinan-basho at maraming tao ang pupunta sa lugar na ito sa oras ng kalamidad.
  Pagpasiyahan ang pook-tagpuan sa loob ng hinan-basho (halimbawa: malapit sa toilet, sa tabi ng clock tower, malapit sa palaruan at iba pa).
• Gumawa ng sariling Disaster Prevention Card (Bosai Card) at dalhin ito.

Isinasagawa sa Shinjuku Ward ang paglagay ng animal rescue facility sa loob ng hinanjo.
Kung may alagang hayop, kailangang ihanda sa loob ng emergency / survival kit bag ang “pet cage, lead harness”, “pet food, tubig”, “toilet goods”, “household medicines” at iba pa.

Kapag nasugatan ang alagang hayop, kailangang ipagamot ito sa isang animal hospital.
Kailangang tandaan kung saan ang pinakamalapit na animal hospital.
Kakailanganin din ang tulong ng mga kaibigan o kamag-anak na maaaring kumupkop nang pansamantala sa alagang hayop.